Елена Плотникова: Кӧкыын кыллись пичи нуныез адӟыса синкылиос пото

Одӥг учыр туж бугыртӥз сюлэмме. Балезино ёросын со пусъемын та нуналъёсы. Кестым гуртысь 31 аресъем нылкышно али гинэ вордскем кыктооссэ люке. Одигзэ кузьма тодмоезлы. Кузьма кыче ке арбериез сямен. Бен, кузьымъёс луо пӧртэм, дуно-дунтэм, но луло муртэ кузьман, со йыре ик уг пыры. Туж шимес мылкыдъёс кылдо. Та югдурез пичияк тодыны-чакланы ас синмыным мыным кылдӥз. Вуылӥ Кестыме, та семьяе. Кестым пичи гурт ӧвӧл. Улӥсьёсыз котькыӵеос вань. Йӧн-йӧн кирпич коркаос но сыло, вӧзазы огшоры пичигес гинэ пу юртъёс но пумисько. Ӵапак одӥгаз сыӵе коркан улэ вылӥ верам семья. Пед ласянь огшоры 4 сэрего пичи корка. Отын кузили мында улӥсез. Нырысь ик отын улэ со анай, кудӥз одӥгзэ нылпизэ кузьмано кариськиз. Со сяна солэн эшшо 5 пиналъёсыз. Отын ик песянайзы, солэн воргоронэз (сожителез). Эшшо одӥг воргоронзы вылэм на но, соиз но пыртос ик, ( 31 аресъем нылкышнолэн таиз воргоронэз вылэм) но та дыре отысь со кошкемын ини. Тӥни сыӵе суред. Одӥгез но воргоронъёс коньдон поттӥсьёс ӧвӧл. Альфонсъёс- асьсэлы «шуныт» сэрег шедьтэмын. Али та семьяез вордэ-будэтэ песянайзы - со 31 аресъем нылкышнолэн анаез. Солэн пенсиеныз сисько но дӥсясько та пичи коркан улӥсьёс. 

Нош со пичи коркалэн кузёез кулэмын ини. Со песянайлэн анаез вал. Юртсэ наследствое кельтымтэ, коркалэн ужкагазъёсыз ышемен сэрен. Соин сэрен ик но эшшо коньдонзы тырмымтэен, та коркан улӥсьёс но юртсылы регистраци уг лэсьто. Та коркан улӥсь муртъёс документъёсъя Кестымын улӥсьёс ӧвӧл. Соослэн прописказы Кировын. Югдур - тугаськем бугор кадь, пумыз но йылыз олокытын. Та улон бугор тугаськем понна табере кылкуто али гинэ югыт дуннее потэм нуныос - кык пичи дыдыос. Малы соосты люко? Мугез сыӵе – анайзы уг оскы ас кужымезлы. Соин ик ас мылкыдызъя лэсьтэ таӵе кырыж вамыш. Верай ини, та семья Кестыме вуэмын Кировысь. Соослэн ваньзылэн ик прописказы отысь 3 патеръем квартираын. Отын соос квартирантъёс возё. Тыронъёссы туж трос люкаськемен улон сэрегзэс арендае сётоно луизы. Ӵапак со квартирантъёслы ик одӥгез пичи нуны кузьмамын. Квартирантъёслэн 17 аресъем пиналзы вань ини, но туж потэ на, пе, эшшо одӥгзэ нылпи ваемзы. Но инмар уг сёты. Учыр но тупа. Тодмо эшсы кӧто, эшшо ке кыктоосты нуллэ. Нылпиосыз тросаз ини. Тӥни озьы ик ӵектон но йыразы лыктэ, одӥгзэ асьсэлы курыса басьтыны. Анай нош кема уг ик малпаськы. Роддомысь кык нылпиен потэ, дораз одӥгеныз бертэ. Кӧкыын кыллись пичи нуныез адӟыса синкылиос пото. Малы та улонын чик янгыштэм пичи нуныос кылкутоно луо асьмелэн бадӟымъёслэн янгышъёсмы понна? Юанъёс трос. Малы нылпиен кулэяськисьтэм адямилэн нылпи ваемез луэ, нош мукетыз вань улытозяз сое возьма но озьы ик со мылкыдын сопал дуннее кошке?...

Кӧзоно

Кӧзоноез зол, шуо юн сямо, ӟырдыт мылкыдо, улонлэн пӧртэм вакытъёсаз оскымон адями сярысь. Кӧзоноез зол, шуыны луоз, дыр, кунмы сярысь но, 2014-тӥ арлы йылпумъянъёс лэсьтыса.
 Та ар Россилэн историяз бадӟымесь пытьыос кельтоз. Нырысь ик Крымез берыктонэн. Экономика, политика, геополитика ужпумъёсы выйытэк, одӥгзэ гинэ пусъё. Та лымшор полуостровез кунмылэн бурд улаз выльысь берыктон оскон пыӵатӥз: Россия сярысь сюлмаськон вань. Угось 90-тӥ аръёсты тодэ вайыса, выльысь но выльысь куаляк луоно, кызьы бадӟымъёсыз кивалтӥсьёсмы кизэс мычыса пыдесъяськизы кунсьӧръёс азе. Вунэтӥзы, лэся, кунмы вормиз ук лек фашизмез, песятайёсмы Берлинозь вуизы. 
Пӧртэм вакытъёсы кӧня вормонъёс басьтылэмын вал Крымын но. Пичи дыръям ай Совето вакытэ шуд усиз 40 нунал ӵоже «Артекын» шутэтскыны. Милемды, быдэс Совето Союзысь Крыме люкаськем нылпиосты, мае но ӧз возьматъялэ. Севастопольысь Сапун-гурезь - солэн бамалъёсаз кӧня ожгарчиослэн вирзы кисьтэмын.
 Ялта вӧзысь Ливадийской дворец — отын 1945-тӥ арын тулыспалэ пумиськылӥзы Сталин, Рузвельт но Черчилль. Со сяна но эшшо кӧня синпелетъёс. Котьма шуэ, но асьмелэн сыӵе интыосмы ӧвӧл. Крым инкуазь кадь яркыт, гужем зарезь ву кадь шуныт тодэ ваёнъёс вань улонлы кылизы. Сыӵе мылкыдын уло, дыр, огвакытэ Сьӧд зарезь дурын шутэтскем эшъёсы но — Москваысь, Приморьеысь, Калмыкиысь, Москва, Пермь, Пенза но мукет улосъёсысь, Таджикистанысь, Узбекистанысь (отысь пияшлы Ташкент кушем ним сётӥм вал) эшъёсы. Кин тодэ, вуоно гужем ик ини, оло, шуд усёз выльысь Крыме вуылыны. Кунмылэн «кӧзоноез» гинэ азьланьын но юн мед луоз. 
Юлия Александрова 2014 ар

Тыпыр-тапыр дасяськиськом конкурслы. Туэ сое ортчытыны нырысьсэ пыриське «Удмурт Кенеш»

Японэн огшоры вераськон. Белых продакшэн

 Светлана:

Ӟечбуресь, Масая. Мынам нимы Светлана. Мон журналист, ужасько "Мынам Удмуртие" нимо радиоын. Тӥ сярысь вераз мыным Дмитрий Ефремов. Туж шумпотымон - япон адями удмурт кылын гожъяське) Уже кутӥськоды-а меда басьтэм тодонъёстэс вераськыкуды но? Оло куке но вуылоды нош ик Удмуртие - ивортэ мыным . Радиое куарадэс, удмурт кылын вераськемдэс гожтыса кельтэм потэ

Масая:
Умой, умой, Светлана. Кызьзы улиськод? Тау почта гожтеэмэд понна, но кöняке бер ке но, тынад берен гожтӥсько ке, вождес эн вае.

Учки, со мон сярысь кылсярысь "СВЕТӤ ДОРЫН КУНОЫН" нимо онлайн программа дыр вераз шуыса ке но, туж шулдыр, солы тынад радиоынед но умой потиз шуыса. Но, мынам но шумпотымон, Дмитрий Анатольвчи но олокин Удмуртияын Япония но ми пумысь оломар верало куке.

Бон, каннечно. Уг тодӥськы, ку Удмуртияе нош ик мыныны быгатисько, марпасько оло куке нокызьы Ижкаре удмурт кыл умоятъяны вылысь мыныны. Малы ке шуоно Японияын удмурт вераськисьёс öвöл:P Но, со бере чай юниськомы. туж умой лыусал, солы, Дмитрийе но бадӟым салам сётысал ке.

Нош, тынад продложени пумысь юаны быгатисько-а? Малы ке шуоно та продложени уг вара умой: "... меда басьтэм тодонъёстэс вераськыкуды но".

Адӟиськытозь.

Масая

Редакторлэсь: Ӵуж ымныръёс (смайликъёс) текстэ пыртэмын ӧвӧл. Нимъёс, кылъёс но орфографиез воштымтэ

Бадӟым Удмурт Диктант

Туннэ Удмурт Диктант гожтэмъёс пӧлысь тужгес покчиез - Маша Пикулева - сертификат понна ветлӥз. И эшшо солы книга кузьмазы.

Леонид Федотыч уг мӧзмы

Толон ми доры куное ветлӥз крезьгурчи но кырӟась Сергей Кириллов. Со выль кырӟанъёссэ ваиз, матысь дыре соос эфире потозы)))"

Тӥни озьы, мултэс кылъёстэк ивортонъёс милемлы гожъя крезьгуръя редактормы.
А эшшо МУ студиын кӧня ке выль клип лэсьтыны дасясько. Но со сярысь вераны (малпаськыны даже) уг на яра. Син медам усьы

"

Сайтысь баян. Светлана Пикулева.

Толэзь пумын одиг нылкышнолэсь кыли — тани толшорлэн кык нуналэз сяна оз кыльы ни, иське, сое ортчемен лыдъяны луоно. Озьы бере, ортчиз ини тол но, нош тол бере, быдэс ар кошкиз — дасяськоно 2012-тиезлы. Соку мынам йырсиосы пежырскизы — кыче жалятэк но дунъятэк асьмеос учкиськом Инмарен сётэм улон вакытмы шоры! Одиг нунал гинэ овол — быдэс ар оволтэмак карыса куштэмын! Котыр учкытэк, нокинэ адзытэк, бызиськом, бызиськом дыр сьоры. Ужан арня кутскыса уг вутты, возьмаськом солэсь йылпумъяськемзэ, дыртытиськом шутэтскон нуналъеслэсь вуонзэс. Коснуналысен ини возьмаськом выль арнялэсь кутскемзэ — чуказе улыса уже потоно, кыче мыл уг поты, эшшо одиг шутэтскон нунал мед луысал на. Нош луысал ке? Мар ке воштиськысал меда? Малы ке потэ — ой, дыр. Адями укыр дышиз ини кадь вуоноеныз улыны. Визьмо адямиос но тани дышето — изьыны выдыку ик, чуказе нуналэз часэн-минутэн радъяно. Озьытэк, пе, ужъесты лэсьтыса уд вутты. Макем кулэ но пайдаё ужъес сярысь вераськон мынэ, нокин уг юа. Вуттоно, вуттоно, вуттоно. Чукна нылпи садэ дыртоно, жыт отчы дыраз вуон понна бызено. Котрес четлыке пыртэм коньы буйгатскыны уг быгаты.

Паркети нылыным бертыку, со одно ик мае ке адзе. Я гурезьысь нискыламез потэ, я зечырамез. Туж куремысьтыз соглаш луисько ини — ярам, одиг пол нискылты, собере жоггес доре, асьмеос дыртиськом. Со — кык пол. Ярам кык пол. Только кык пол гинэ! Пинал уг чыды, со бызьылэ, парк тыр серекъя, лулысь-сюлмысь шумпотэ; нош куанер анай, интыысьтыз интые легаськыса, амал утча шудо пиналэз дораз нуыны. Анайлы шудонэн йырин овол — доре жоггес бертыса, сиен дасяно, чуказе нуналлы ваньзэ дасяно. Юад ке солэсь, мар умоез вал туннэ нуналлэн, вераны уз тоды, дыр. Со, нунал кутскемлэсь азьвыл ик, возьмаз жытэз. Нош жыт со чуказеын ини. Кытын нош солэн та минутэз,та секундэз? Шуг вераны. Со чидатэк возьма соослэсь ортчемзэс. Солэн дырыз овол соос сярысь малпаськыны. Толон жыт та минутъес солэн нуналлы чаклам ужанрадаз пыртэмын ой вал. Дырыз овол валаны но, та минутъес — солэн та дунне вылын улыны висъям дырызлэн люкетэз шуыса. Шутэтскон нуналъес азьын ини, паймоз, макем жог ортчиз ужан арня шуыса. Выль ар азьын эшъесыныз чошен жожтиськозы, арлэсь ортчемзэ валаса оз вуттэ шуыса. Мар сетиз та ар шуыса юанлы, йырзэс тиялозы, мае тодэ вайыны валатэк. Угось, ар улэмын ой вал, со — ортчытэмын.

Та ласянь туж тунсыко зуч «проводить время» веран. «Проживать» овол, «проводить». «Время» интые «жизнь» пуктид ке, со туж зеч возьматоз, дыр, асьмелэсь дырмылы но огъя улонмылы кыче дун сетэммес. Яке со зэмзэ но вакытлэн куронъесыз-а меда? Вакытлэн, кудизлы кулэ овол адямилэн лулпуш узырлыкез, шумпотонъесыз но сюлмаськонъесыз. Кудиз ваньзэ эскере шоро-куспо лыдпусъесъя, нимысьтыз кылдытэм мерттэтъесъя, формулаосъя, адямилэн (нош ик) шоро-куспо улон арлыдызъя, солэн кузьдалаезъя. Соостэк уг но луы, дыр. Нош котькуд нимаз адямилэн улонэз со лыдпусъес сьоры ышонэз, яке со лыдпусъесты пуштросэн тырмытонэз нырысь ик аслэсьтыз адямилэсь потэ. Соин ик ойдолэ уломе али но татын!